市民要維護差佬尊嚴？

尋日我竟然去咗一個維護差佬尊嚴遊行！事緣我響應facebook上朋友嘅邀請，十二點到立法會集合，諗住抗議Amina案件判決，點知發起人拎住大聲公話「我地要維護前線執法人員尊嚴」？

之前有差婆打上電台，話差佬呢一個稱呼係唔尊重差佬，我心諗而家ｄ差佬真係自暴其短！差佬有沒有尊嚴，並不是來自市民大眾有沒有尊重他們，而是他們自己執行的法律是否公義、他們執法時又是否一視同仁。所以當我聽到發起人講出呢一句，都一時俾唔到反應。

我雖然冇試過俾差佬拘捕，但都親眼目睹差佬嘅惡行，好多時差佬嘅負面形象係自己造成！例如仲記憶猶新嘅六四強搶民女事件，差佬就自甘淪為政治工具；遠少少反高鐵時差佬仲出埋防暴隊嚟製造白色恐怖同抹黑和平示威；仲有差佬威脅上街遊行嚟逼政府加人工。但差佬自己又點樣對付其他示威者呢？對住和平示威者張牙舞爪、對住權貴就變鵪鶉，呢ｄ係咪雙重標準？

差佬可以無啦啦冇警告下出胡椒噴霧，仲要兜口兜面咁噴；差佬又會夾硬大力扯你手腳搬走你；差佬又會無啦啦阻止你用大聲公同叫你唔好影佢相．．．總之呢ｄ惡行數都數唔哂！而為咗製造白色恐怖，差佬會半夜出重案組拉你、會騷擾社運人士家人、會用cam影低每個示威者．．．你地要我俾尊重你？係咪痴咗線？

至於Amina案件中，差佬覺得自己受辱，都係自己攞嚟！係人都見到你插水啦，做戲都唔係咁做架！你被摑幾秒後先有反應，咁如果係劫匪抆槍，你一早死ｑ咗啦！所以尋日發起人叫人維護前線執法人員尊嚴，我都唔知點幫佢地好！

最新消息係據聞警方會幫嗰位俾Amina打嘅差婆，循民事途徑索償，真係痴九線，簡直係奇恥大辱！唔怪得上次有差婆上電台自認係東亞病夫！